**Πουλουλού, που, πούλουλου…**😅🍷🌹 ** ** **Τ’ οσπίτ’ ιμ εν’ σ’ ορμάν’ απέσ’ κι ολόερα φτερία** **Σκαλών’νω ημερόφωτα, του παρχαρί’ δουλείαν** ** ** **Εφούντωσαν κ’ εφύτρωσαν, ση μέσ’ πα τα λεβόρε...

Πλήρες Κείμενο:

**Πουλουλού, που, πούλουλου…**😅🍷🌹 ** ** **Τ’ οσπίτ’ ιμ εν’ σ’ ορμάν’ απέσ’ κι ολόερα φτερία** **Σκαλών’νω ημερόφωτα, του παρχαρί’ δουλείαν** ** ** **Εφούντωσαν κ’ εφύτρωσαν, ση μέσ’ πα τα λεβόρε** **Τεμίζ κ’ επέμ’νεν να χωρούν, τ’ εμά όλε τα πόνε** ** ** **Σα σκάλας εγεννέθα ΄γω κ’ επίασα χαράδρας** **Ξεριζωμένος σύρω αδά, βάσανα τη Τροιάδας** **Τ’ αλευροσάκκουλα εύκαιρα, κρεμάουν σα καρφία** **Έφτά δουλείας αν ΄κ’ ευτάς, πως θα ΄πεβγάλλ’τς ζεμίας;** **Παράν’ αν ΄κ’ έχ’ς οσήμερον, όσταν θα πας να κείσαι** **Σκυλία πα ΄ κ’ υλάζ’νε σε και νε κανείς τερεί’ σεν** ** ** **Θα παίρω όλον το ποτάμ’, θα χάμαι σα ορμάνε** **Θα σωρεύω τα γιατρικά μ’, τη κόσμι τα βοτάνε** ** ** **Αδά ψηλά και σο παρχάρ’, τα πρόατα, τ’ αιίδε** **Μουσκάρε, χτήνε και γαρκά και γούβαν μελεσσίδε** ** ** **Τα χορταρόπα κατενά, βόσκουνταν και μουγκρίζ’νε,** **Σα μουσκαρόπα τα μικρά, κωδώνε γολγονίζ’νε** ** ** **Απάν’ αφ’κά παλαλωτά, χορολαγγεύν’νε τρέχ’νε** **Σο γιαν’ τη μάνας επεκεί’, κάθουνταν λαλασεύν’νε** ** ** **Γαρσί’ πα, σα ψηλά ραχιά, φραχτία και καλύβε** **Τ’ ημ’σόν το χρόν’ ΄κί φάθουνταν, ας ση βρεχής τα λίβε** ** ** **Όντες παίζω την κεμεντζέ μ’, τα ράχια αντιβοούνε** **Και τα πουλία τη Θεού, σασεύ’νε και τερού’νε** ** ** **Πουλουλού, που, πούλουλου, παίζω και το αγγείον** **Τη κόσμι όλε τα καλά, σουμά μ’ έρθαν ολίον** ** ** **Έναν κοκκύμελον σ’ ορμίν, εφύτρωσεν μανάχον** **Ετράνυ’νεν, μεγάλυν’νεν, ποίος θα πελεκ’ άτο** ** ** **Με το χουζάρι μ’ έκοψα, έναν χοντρόν κλαδόπον** **Κουφολογ’άτο, πελεκώ, θ’ ευτάγω κεμεντζόπον** ** ** **Χρόνος εμπαίν’, χρόνος εβγαίν’ κι όλε πως αναλάζ’νε** **Κι άμον κοσσάρα σ’ αξινάρ’, ο εις τον άλλον σπάζ’νε** ** ** **Κι άλλο καλλίον ζήναμεν, ση πατρίδας τα χρόνε** **Πουλόπα ξάϊ κ’ ετρόμαζαν, εκόνεβαν ζυγόνε** ** ** **Πατρίδα μ’ τ’ ορμανόπα σου με τα ποταμοάκρε** **Ποίον να λες, ποίον να κλαις, αμάν γομούσαι δάκρε** ** ** **Ούλ’ εθαρρείς έναν έμ’νες, ευσπλαχνικόν το γαίμαν** **Κανείς τα «θεία» ΄κ’ έβριζεν, φογούσαν και το ψέμαν** ** ** **Εείν’ το κέσ’ τα χώματα, απ’ άκραν σ’ άκραν, Πόντος** **Εκέσ’ πορπάτεσ’ ο Χριστόν, ευλοημένος τόπος** ** ** **Τα χελιδόνε κλώσκουνταν, εμείς πάμεν και πάμεν** **Ο κόσμον τσίπ’ εφτώχινεν, το νόημαν εχάθεν** ** ** **Με τραβωδήν και με χορόν, με κέφε και φιλίαν** **Έρθαμεν σην Ελλάδα μου κ’ έχτισα μ’ τα χωρία** ** ** **Αγνά και θαμαστά έσαν, τα χρόν’ αδά ας τ’ έρθαμ’** **Ντ’ έσυραμ’ ν’ ανασπάλλουμεν κι όλ’ άσκεμα εφέρθαν’** ** ** **Τα δέντρα μαυροφόρεσαν, άλλο κι καλατζεύ’νε** **Ατόσα χρόνε δεάβανε, την ρίζαν αραεύ’νε** ** ** **Θεέ μ’ πουλόπα ανέστησον κι όχι την ανθρωπότην** **Τ’ αχάντε όντες λουλουδούν, ποίσον καινούργιον νιότην** ** ** **Σπύρος Αμάραντος**

Η επιλογή των posts/links γίνεται με ένα στατιστικό μοντέλο και μπορεί να μην απεικονίζει επακριβώς τη σειρά δημοτικότητάς τους